ԲԱՐԵՓՈԽՈԻՄՆԵՐ ՄԱՐՏՈՒՆԻՈՒՄ

    Գեղարքունիքի  մարզի Մարտունի քաղաքում կատարվում են որոշակի բարեփոխումներ կապված քաղաքի բարեկարգման հետ։

Մենք` Մարտունու երիտասարդ լրագրողների առցանց կենտրոնի անդամներս, հարցազրույց ունեցանք բարեկարգման աշխատանքների կազմակերպիչ Վարդան Ավետիսյանի հետ։
Նա մեզ ծանոթացրեց աշխատանքի ընթացքին. ծրագիրը ֆինանսավորվում է Մարտունու քաղաքապետարանի կողմից և ունի   90-օրյա  ժամկետ։ Շինարարության նպատակը Մարտունու բարեկարգումն է. նախկինում  գործող  շատրվանները պետք է վերագործարկվեն։ Վերակառուցվում են նաև Մարտունու կենտրոնական մասում գտնվող երկու խաղահրապարակներ` Երևանյան 55 և Գևորգ Զիրոյան փողոցներում:
 Զրուցեցինք աշխատողների հետ։ Նրանք գոհ էին իրենց աշխատանքային պայմաններից և ասացին, որ աշխատանքի դիմաց ստանում են շատ լավ վարձատրություն: Աշխատանքները, հավանաբար, կավարտվեն օգոստոսի վերջին և մարտունեցիները կվայելեն գեղեցիկ ու բարեկազմ քաղաքի բերկրանքը:                                                                                                                                                                                                                                                                                                                                                                                                                                                

                         Անահիտ Գասպարյան        
                         Աննա Ոսկանյան